تعليق منشط رياضي محب للنجم الساحلي :
خلينا نفضوها مرة وحدة في الموضوع هذا!
مستحيل يوم تلقاونا نشجعو جمعية بخلاف النجم الساحلي و بالعكس شيختنا وقت تخسر الترجي أو الإفريقي أو الصفاقسي في المسابقات الكروية سواء محليا أو قاريا أو عالميا ، هذيكا بنة و حلاوة الكورة في العالم الكل و ريق الوطنية في الكورة راهو شكشوكة بالمايوناز لا
تشجعونا لا نشجعوكم .. هذي نقطة و تفاهمنا فيها
أما أنو ولد بلادي إلي ينجم يكون جاري و إلا صاحبي أو زميلي أو قرا معايا و يحب جمعية أخرى و يتشد و يتضرب في بلاد أخرى أو حتى في بلادنا من قبل البوليس و خاصة كلاب السيسي الطحان عميل إسرائيل هنا نقلك stop و مستعدين نوصلوها وين توصل و عادي نرميو رواحنا على خاطرهم، خاطر الموضوع ولا أكبر من مجرد ماتش كورة و ما فيهش لا تنبير و لا تفريك و لا شماتة و لا شيء فقط مستعدين نحلو حرب مع المصاروة عبيد السيسي و الصهاينة
تربينا عقلية على سبان النظام الفاسد قبل كل شيء و تجري في الدم ، ماعادش يهمني المريول خاطر لتوال و الفيراج رباونا على الرجلة و أنو عدو فلسطين هو عدونا و هنا نرجعو لموضوع جمهور الترجي تضربوا خاطر غناو غنايتهم على فلسطين و ضد السيسي و حكام العرب و هزوا علم فلسطين وقتها دخل عليهم الحاكم بالضرب، هنا ما نجم كان نتعاطف و نتضامن مع الجمهور مهما كانت ألوانهم و رانا في حرب مفتوحة معاكم ضد طحانة السيسي و العالم الكل تفرج فينا كيف غنينا ضد الأهلي المصري "لا إلاه إلا الله و السيسي عدو الله"
#سيب_الجمهور